Shoctober

Nod ymgyrch flynyddol yr Ymddiriedolaeth a gynhelir drwy gydol mis Hydref yw addysgu disgyblion ysgolion cynradd am y defnydd cywir o 999, beth sy'n digwydd pan fyddwch yn ffonio, a sgiliau achub bywyd gan gynnwys adfywio cardio-pwlmonaidd (CPR) a sut i ddefnyddio diffibriliwr.

Dan arweiniad y tîm Profiad y Claf a Chynnwys y Gymuned (PECI), mae gwirfoddolwyr ar draws yr Ymddiriedolaeth, cydweithwyr byrddau iechyd lleol a myfyrwyr meddygol yn rhoi o’u hamser rhydd i ymweld ag ysgolion ledled Cymru.

Yn 2022, dysgodd y tîm briodoldeb 999, y pum gwasanaeth brys sydd ar gael a sgiliau achub bywyd i fwy na 1,800 o ddisgyblion mewn 32 o ysgolion gwahanol; safle adfer, CPR dwylo yn unig a defnyddio diffibriliwr.

Eleni rhagwelir y bydd dros 6,000 o ddisgyblion ar draws 75 o ysgolion yn cael eu haddysgu am y sgiliau achub bywyd hanfodol hyn.

Dywedodd Fiona Maclean, Rheolwr PECI ac Arweinydd Shoctober: “Fel Ymddiriedolaeth Ambiwlans, rydym yn cefnogi ac yn hyrwyddo Confensiwn y Cenhedloedd Unedig ar Hawliau’r Plentyn, un yw Erthygl 28 ‘Yr hawl i addysg’.

“Rydyn ni’n gobeithio, trwy addysgu’r genhedlaeth nesaf beth i’w wneud tra bod cymorth ar y ffordd, yn helpu i adeiladu cymunedau gwydn.

“Mae ymgyfarwyddo disgyblion o oedran ifanc hefyd yn golygu eu bod nhw’n fwy tebygol o beidio â chynhyrfu os bydd argyfwng yn codi.”

Yn 2020, o ganlyniad i’r pandemig, crëwyd fideo addysgol ‘Shoctober’ wedi’i anelu at blant ac mae ar gael yn Saesneg , Cymraeg ac Iaith Arwyddion Prydain (BSL).

Mae'n bwysig bod diffibrilwyr newydd a phresennol yn cael eu cofrestru ar The Circuit fel bod y rhai sy'n delio â galwadau 999 yn gallu rhybuddio galwyr yn gyflym ac yn hawdd i'w lleoliad os oes angen.