Model Ymateb Clinigol

Mae’r ffordd yr ydym yn mesur gwasanaethau ambiwlans yng Nghymru wedi newid.

Ers 1974 mae ein gwasanaeth ambiwlans wedi’i fesur yn ôl yr amser mae’n ei gymryd i gyrraedd galwadau brys. Mae gwasanaeth ambiwlans heddiw yn darparu gofal llawer mwy soffistigedig ac felly, yn 2015, gwnaethom dreialu model ymateb newydd a oedd yn canolbwyntio ar ansawdd y gofal a ddarperir yn hytrach na’r amser a gymerodd i ni eich cyrraedd.

Peidiwch â phoeni - os ydych chi'n dioddef argyfwng sy'n bygwth bywyd fel ataliad ar y galon neu golled gwaed mawr, byddwn yn dal i anfon yr adnoddau agosaf sydd ar gael cyn gynted â phosibl.

Ar gyfer cyflyrau llai difrifol, rydyn ni'n cael ein mesur ar ba mor dda rydyn ni'n eich trin chi a pha mor aml rydyn ni'n llwyddo i osgoi taith i'r ysbyty trwy eich cyfeirio at y lleoliad clinigol mwyaf priodol. Mae’r model ymateb clinigol hwn yn rhoi’r claf wrth galon ein gwaith.

Barnwyd bod treial 2015 yn llwyddiant gyda’r Gweinidog dros Iechyd a Gwasanaethau Cymdeithasol Vaughan Gething AC a gwerthusiad annibynnol gan y Pwyllgor Gwasanaethau Ambiwlans Brys (EASC) yn argymell parhau â’r model yn 2017. Er gwaethaf yr argymhellion cadarnhaol hyn ni fyddwn yn gorffwys ar ein rhwyfau ond parhau i ymdrechu a gwella ein gwasanaethau flwyddyn ar ôl blwyddyn.

Yn ddiweddar rydym wedi croesawu Adolygiad Ambr annibynnol cadarn a manwl EASC sydd wedi amlygu manteision ein model ymateb clinigol gyda chefnogaeth yr egwyddor; 'i gael yr ymateb gorau hyd yn oed os nad dyma'r ymateb cyflymaf'. Rydym yn cydnabod y meysydd i’w gwella ac rydym yn gweithio tuag at wella’r gofal rydym yn ei ddarparu yng Nghymru ymhellach. I weld yr adroddiad llawn dilynwch y dolenni canlynol:

Saesneg: https://easc.nhs.wales/publications/amber-review/

Gweld y dangosyddion ansawdd ambiwlans presennol

Gweld perfformiad y Gwasanaeth Ambiwlans a gyhoeddwyd gan Lywodraeth Cymru .

Os hoffech roi adborth ar unrhyw agwedd ar eich profiad gyda Gwasanaethau Ambiwlans Cymru, e-bostiwch ein Tîm Profiad Cleifion a Chynnwys y Gymuned yn: peci.team@wales.nhs.uk