Neidio i'r prif gynnwy

Digwyddiad Traffig Ffordd a Difrod i Eiddo

Mae'n ddrwg gennym glywed eich bod wedi bod yn rhan o ddigwyddiad gydag un o'n cerbydau neu fod difrod wedi digwydd i eiddo a oedd yn cynnwys cerbyd neu aelod o staff Ymddiriedolaeth GIG Brifysgol Gwasanaethau Ambiwlans Cymru (yr Ymddiriedolaeth).

Gallwch gysylltu â'r Ymddiriedolaeth ynglŷn â'r mater hwn mewn amrywiol ffyrdd:-

Rachel Marsh
Prif Weithredwr Dros dro
Pencadlys Ymddiriedolaeth GIG Brifysgol Gwasanaethau Ambiwlans Cymru
Tŷ Elwy
Uned 7
Ffordd Richard Davies
Parc Busnes Llanelwy
Llanelwy
Sir Ddinbych
LL17 0LJ

Yr hyn y bydd ei angen arnom gennych chi


Wrth godi eich hawliad gyda'r Ymddiriedolaeth, byddwn yn gofyn i chi am wybodaeth i'n galluogi i adnabod y digwyddiad a chaniatáu inni ymchwilio i'ch hawliad yn gywir ac yn amserol. Y wybodaeth y bydd ei hangen arnom yn y lle cyntaf yw;

  • Eich enw llawn, cyfeiriad a manylion cyswllt dewisol e.e. rhif ffôn neu gyfeiriad e-bost
  • Y dyddiad y digwyddodd y digwyddiad
  • Yr amser y digwyddodd y digwyddiad
  • Y lleoliad lle digwyddodd y digwyddiad
  • Eich rhif cofrestru (os yn berthnasol)
  • Ein rhif cofrestru (os yn berthnasol/hysbys)
  • Y rheswm dros eich hawliad (cofiwch gynnwys cymaint o fanylion â phosibl ynglŷn â'r hyn a ddigwyddodd)
  • Unrhyw ofynion penodol ar gyfer cyswllt neu adborth pellach, fel yr iaith a ffefrir neu i roi gwybod i ni am unrhyw nam synhwyraidd y gallai fod angen i ni ei ystyried

Beth sy'n digwydd nesaf?


Mae'r Ymddiriedolaeth yn hunanyswiriedig. Byddwn yn delio â hawliadau a dderbynnir mewn perthynas â digwyddiadau traffig ffyrdd a difrod i eiddo personol yn fewnol. Gall yr Ymddiriedolaeth benderfynu cyfarwyddo Cyfreithwyr, ac os felly byddwn yn eich hysbysu. Mae hyn oherwydd bod rhai hawliadau'n fwy cymhleth nag eraill ond ein nod yw delio â materion mor gyflym ac effeithlon â phosibl.

Yn rhoi gwybod i ni am y ddamwain


Fel rwy'n siŵr y byddwch yn sylweddoli, nid yw staff yr Ymddiriedolaeth yn gweithio mewn amgylchedd swyddfa ac felly mae'r Ymddiriedolaeth yn gofyn iddynt lenwi ffurflen Gwrthdrawiad Traffig Ffyrdd cyn gynted ag y bo'n ymarferol ar ôl digwyddiad. Gall hyn olygu y bydd peth amser cyn i'r Ymddiriedolaeth gael gwybod am y digwyddiad. Dyma pam rydym yn gofyn i chi roi cymaint o wybodaeth â phosibl i ni.