Adran Anableddau Dysgu
Pobl sydd ag anabledd dysgu, anhawster dysgu neu sy'n awtistig neu'n niwrowahanol
Rydym yn deall y gallai rhai pobl fod angen cymorth ychwanegol wrth ffonio 999. Bydd ein trinwyr galwadau yn gwneud eu gorau i gyfathrebu'n glir, gwrando'n ofalus, a rhoi amser i chi esbonio beth sy'n digwydd.
Byddwn yn gwneud y canlynol:
- defnyddio iaith glir a syml
- ailadrodd gwybodaeth os oes angen
- rhoi amser ychwanegol i chi ateb cwestiynau
- siarad yn ddigynnwrf ac yn glir
- helpu gofalwyr, aelodau o'r teulu neu staff cymorth i ddarparu gwybodaeth os oes angen
Gwybodaeth hawdd ei deall
Os ydych chi'n cael gwybodaeth yn haws i'w deall mewn lluniau a geiriau syml, gweler ein canllaw Hawdd ei Ddarllen am ffonio 999 a beth sy'n digwydd nesaf.
7 gwiriad pwysig
Rydyn ni'n gwybod y gall helpu i ddeall beth sy'n digwydd pan fydd ambiwlans yn cyrraedd, felly rydyn ni wedi creu taflenni a fideos Hawdd eu Darllen.
Pan fydd criwiau'n cyrraedd, maen nhw'n cynnal saith gwiriad pwysig i asesu'ch cyflwr a phenderfynu ar y gofal y gallai fod ei angen arnoch.
Gallwch ddod o hyd i wybodaeth syml am y gwiriadau hyn ar dudalennau Hawdd eu Darllen GIG 111 Cymru.
Mae hefyd gennym ni fideos sy'n dangos beth sy'n digwydd pan fydd ambiwlans yn cyrraedd, a phob un o'r gwiriadau: