Anrhydeddu Gwasanaeth Ambiwlans Cymru am gefnogaeth ragorol i'r Lluoedd Arfog
MAE Gwasanaethau Ambiwlans Cymru wedi’u hanrhydeddu am eu cefnogaeth ragorol i gymuned y Lluoedd Arfog.
Mae’r gwasanaeth wedi derbyn Gwobr Aur y Cynllun Cydnabod Cyflogwyr sy’n dathlu sefydliadau sy’n cyflogi ac yn cefnogi’r rhai sy’n gwasanaethu, yn gyn-filwyr a’u teuluoedd.
Yn 2019, llofnododd yr Ymddiriedolaeth Gyfamod y Lluoedd Arfog Camu i mewn i Iechyd ac addawodd gefnogi aelodau o gymuned y Lluoedd Arfog i gael cyflogaeth yn y GIG.
Fe wnaeth hefyd recriwtio Hyrwyddwyr Cyn-filwyr o bob rhan o’r Ymddiriedolaeth i gefnogi dechreuwyr newydd i drosglwyddo i fywyd sifil a darparu cymorth a mentoriaeth un-i-un.
Roedd 140 o ddyfarnwyr eleni, ac mae Gwasanaethau Ambiwlans Cymru yn un o 10 sefydliad yng Nghymru sydd wedi cael eu cydnabod.
Dywedodd y Prif Weithredwr Jason Killens: “Rydym wrth ein bodd ein bod wedi cael ein cydnabod fel cyflogwr safon Aur yng ngwobrau eleni.
“Fel gwasanaeth mewn lifrai, rydyn ni’n hynod falch o’n cysylltiadau cryf gyda’r fyddin, yn rheolaidd a milwyr wrth gefn, yn ogystal â’u teuluoedd.
“Roedd y fyddin yn hollbwysig wrth gefnogi ein gwasanaeth ambiwlans yn ystod un o’r cyfnodau mwyaf heriol yn ei hanes, felly rydym yn awyddus i sicrhau ein bod yn ad-dalu’r ymrwymiad gwych hwnnw gyda chefnogaeth gref cymuned y Lluoedd Arfog.”
Mae dwsinau o gyn-filwyr yn gweithio ar draws y gwasanaeth ambiwlans ar ôl gwasanaethu yn y Lluoedd Arfog, ac yn cael eu cefnogi gan nifer cynyddol o filwyr wrth gefn.
Bu mwy na 200 o filwyr Byddin Prydain hefyd yn cynorthwyo ymdrech Covid-19 yr Ymddiriedolaeth trwy yrru a diheintio cerbydau fel rhan o Operation Rescript.
Dywedodd Andy Haywood, Swyddog y Llynges Frenhinol a drodd yn Gyfarwyddwr Gwasanaethau Digidol, a Phencampwr Lluoedd Arfog yr Ymddiriedolaeth: “Mae llawer o debygrwydd rhwng y Lluoedd Arfog a’r gwasanaethau brys, heb sôn am y sgiliau trosglwyddadwy, felly nid yw’n syndod bod aelodau o bydd y gymuned honno’n symud tuag at yrfa yn y gwasanaeth ambiwlans.
“Rydym yn hynod falch o’r cyn-filwyr sy’n gweithio yn y gwasanaeth, ac o’n nifer cynyddol o filwyr wrth gefn hefyd.
“Mae gennym ni berthynas hirsefydlog gyda’r fyddin ac roeddem yn ddiolchgar iawn o fod wedi sicrhau eu cefnogaeth yn yr ymdrech ar y cyd yn erbyn Covid-19.
“Rydym yn gobeithio bod eu cipolwg ar fyd y gwasanaeth ambiwlans wedi bod yn brofiad gwerth chweil iddynt hwy ag yr oedd i ni.”
Er mwyn ennill gwobr, rhaid i sefydliadau ddarparu 10 diwrnod ychwanegol o wyliau â thâl i filwyr wrth gefn a chael polisïau AD cefnogol ar waith ar gyfer cyn-filwyr, milwyr wrth gefn ac oedolion sy’n gwirfoddoli yn y lluoedd arfog, yn ogystal â gwŷr/gwragedd a phartneriaid y rhai sy’n gwasanaethu yn y Lluoedd Arfog.
Rhaid iddynt hefyd eirioli manteision cefnogi’r rheini yng nghymuned y Lluoedd Arfog drwy annog eraill i lofnodi Cyfamod y Lluoedd Arfog a chymryd rhan yn y Cynllun Cydnabod Cyflogwr.
Dywedodd y Gweinidog Amddiffyn Pobl a Chyn-filwyr, Leo Docherty: “Hoffwn ddiolch i’r holl sefydliadau sydd wedi profi eu cefnogaeth i’r gymuned amddiffyn yn ystod cyfnod mor ddigynsail a heriol.
“Mae’r ystod eang o’r rhai a gydnabyddir eleni yn dangos sut mae cyflogi cymuned y Lluoedd Arfog yn cael effaith wirioneddol gadarnhaol a buddiol i bob cyflogwr, waeth beth fo’u maint, sector neu leoliad.”
Daw’r rhai sy’n dyfarnu eleni â chyfanswm y deiliaid Aur i 493.
Mae sefydliadau’n cynnwys ymddiriedolaethau’r GIG, sefydliadau addysgol, gwasanaethau ariannol, gwestai, elusennau, cwmnïau cyfreithiol, gwasanaethau’r heddlu, clybiau pêl-droed ac amgueddfeydd.
Mae bron i 50 y cant yn fenter fach neu ganolig a 72 y cant yn gwmnïau preifat.
Nodiadau y Golygydd
Am ragor o wybodaeth ffoniwch Lois Hough, Pennaeth Cyfathrebu Gwasanaethau Ambiwlans Cymru ar 07866 887559, neu e-bostiwch Lois.Hough@wales.nhs.uk