Apel am wybodaeth ar ôl i ambiwlans gael ei fandaleiddio

MAE Gwasanaethau Ambiwlans Cymru yn apelio am wybodaeth ar ôl i un o'u cerbydau gael ei fandaleiddio gan ei fod yn gofalu am glaf.

Roedd yr ambiwlans wedi’i barcio yn Quantock Close, Rhisga, tua 2.20am ddydd Sul, pan ollyngodd fandaliaid y teiars, tynnu’r bagiau diogelwch o’r cnau olwyn a thorri gwacáu’r gwresogydd o ochr isaf y cerbyd.

Mae'r cerbyd yn parhau oddi ar y ffordd ar gyfer gwaith atgyweirio.

Dywedodd Kevin Crowther, Rheolwr Gwasanaeth yr Ymddiriedolaeth yn Ne Ddwyrain Cymru: “ Wrth ddelio â chlaf gerllaw, cafodd y cerbyd ambiwlans ei ddifrodi’n fwriadol.

“Mae’n hynod anghyfrifol i bobl fandaleiddio cerbydau brys o unrhyw fath, ond yn fwy felly ar adeg pan fo’r gwasanaeth yn wynebu galw mawr.

“Roedd hon yn weithred faleisus a olygodd fod un o’n hambiwlansys bellach oddi ar y ffordd ar gyfer gwaith atgyweirio, ac felly’n methu ag ymateb i alwadau 999.

“Gall gweithredu mor ddi-hid roi bywydau mewn perygl, a hoffem annog unrhyw un sydd â gwybodaeth i gysylltu â’r heddlu.”

Mae ymholiadau’n parhau a gall unrhyw un sydd â gwybodaeth am y digwyddiad, gan gynnwys teledu cylch cyfyng a chamera cerbyd, ffonio Heddlu Gwent ar 101 gan ddyfynnu’r cyfeirnod log 2200196178.

Fel arall gallwch hefyd anfon y manylion yn uniongyrchol at Heddlu Gwent – gan ddyfynnu’r un rhif cyfeirnod log – neu gysylltu â Taclo’r Tacle yn ddienw ar 0800 555 111.

Nodiadau y Golygydd
Am ragor o wybodaeth ffoniwch Lois Hough, Pennaeth Cyfathrebu Gwasanaethau Ambiwlans Cymru ar 07866 887559, neu e- bostiwch Lois.Hough@wales.nhs.uk