Mae Gwasanaethau Ambiwlans Cymru yn dathlu cydweithwyr sydd wedi gwasanaethu ers tro yng ngorllewin Cymru
Dathlodd Gwasanaethau Ambiwlans Cymru gydweithwyr sydd wedi gwasanaethu ers tro mewn seremoni wobrwyo yng ngorllewin Cymru ddoe.
Cyflwynwyd medalau i gydweithwyr gyda 20, 30 a 40 mlynedd o wasanaeth ym Mhrifysgol Aberystwyth yn y pedwerydd o chwe digwyddiad ledled Cymru eleni i gydnabod hyd gwasanaeth.
Cyflwynwyd Medal Gwasanaeth Hir ac Ymddygiad Da y Frenhines hefyd i gydweithwyr sydd ag 20 mlynedd yn y Gwasanaeth Meddygol Brys gan Ddirprwy Raglaw Dyfed, yr Athro Fonesig Elan Closs Stephens DBE.
Mae mwy na 400 o gydweithwyr ar draws yr Ymddiriedolaeth wedi cael eu gwahodd i dderbyn Gwobr Gwasanaeth Hir eleni, y digwyddiadau gwobrwyo personol cyntaf ers 2019 oherwydd y pandemig.
Meddai’r Cadeirydd Martin Woodford: “Dyma’r pedwerydd o chwe digwyddiad ledled Cymru i ddathlu cydweithwyr sydd wedi cyrraedd cerrig milltir gwasanaeth hir yn ystod yr ychydig flynyddoedd diwethaf.
“Yn anffodus, fe wnaeth y pandemig chwalu ein dathliadau arferol felly mae’n gwneud y digwyddiadau personol hir-ddisgwyliedig hyn hyd yn oed yn fwy arbennig.
“Y rheswm pam mae Gwasanaethau Ambiwlans Cymru yw ei bobl sy’n gweithio’n ddiflino, 24/7, i wasanaethu pobl Cymru.
“Mae’r Gwobrau Gwasanaeth Hir yn gyfle gwych i fyfyrio ar eu cyfraniadau, a hoffem estyn llongyfarchiadau gwresog i bob un o’n derbynwyr.”
Ychwanegodd y Prif Weithredwr Jason Killens: “ Nid dim ond unrhyw swydd yw gweithio i’r gwasanaeth ambiwlans – mae’n swydd sy’n gwneud gwahaniaeth gwirioneddol.
“Mae’r digwyddiadau hyn yn gyfle gwych i ddathlu enaid Gwasanaeth Ambiwlans Cymru – ei bobl – ac yn benodol, hyd eu gwasanaeth.
“Mae hefyd yn rhoi cyfle perffaith i ni ddweud 'diolch' - dau air sy'n golygu cymaint.
“Mae'n anhygoel meddwl bod yr holl Wobrau Gwasanaeth Hir a gyflwynwyd gennym ddoe yn cyfrif am fwy na 400 mlynedd o wasanaeth.
“Heddiw a phob dydd, rydyn ni’n diolch i gydweithwyr am eu gwasanaeth.”
Nodiadau y Golygydd
Am ragor o wybodaeth, ffoniwch y Pennaeth Cyfathrebu Lois Hough ar 07866887559 neu e- bostiwch Lois.Hough@wales.nhs.uk