Gwasanaeth Ambiwlans Cymru yn penodi Pennaeth Elusen cyntaf

09.10.24

MAE Gwasanaethau Ambiwlans Cymru wedi penodi eu Pennaeth Elusen cyntaf.

Mae David Hopkins, o Gaerdydd, yn ymuno â’r gwasanaeth o Gelfyddydau Cenedlaethol Ieuenctid Cymru, lle bu’n Rheolwr Codi Arian a Datblygu.

Bydd David yn gyfrifol am reoli elusen yr Ymddiriedolaeth o ddydd i ddydd, gan gynnwys cynhyrchu incwm a chydymffurfio â’i rhwymedigaethau rheoleiddio a llywodraethu.

Fe fydd arbenigwr y mudiad ar faterion elusennol a bydd hefyd yn gyfrifol am recriwtio a datblygu tîm bach i gefnogi gweithgareddau codi arian yr elusen.

Mae rolau David yn y gorffennol yn cynnwys Rheolwr Cynaliadwyedd a Thwf gyda Mind Casnewydd a Swyddog Gweithredol Marchnata a Chyfathrebu yng Ngherddorfa Genedlaethol Gymreig y BBC.

Mae ganddo BMus mewn Cerddoriaeth ac MA mewn Rheolaeth Celfyddydau o Goleg Brenhinol Cerdd a Drama Cymru ac mae hefyd yn Gadeirydd Ymddiriedolwyr y cwmni dawns annibynnol Cymreig, Jones the Dance/Y Ddawns.

Am ei benodiad, dywedodd David: “Rwy’n falch iawn o gael ymuno â Gwasanaethau Ambiwlans Cymru fel Pennaeth Elusen.

“Diolch i roddion gan y cyhoedd, mae Elusen Gwasanaeth Ambiwlans Cymru eisoes o fudd i gleifion, staff a chymunedau lleol trwy brosiectau arloesol.

“Yn y swydd newydd hon, rwy’n credu bod potensial enfawr i ymhelaethu ar hyn – ac ni allaf aros i ddechrau.”

Mae Elusen Gwasanaeth Ambiwlans Cymru yn codi arian i ariannu mentrau sy'n hybu iechyd, lles a diogelwch ei phobl, cleifion a chymunedau.

Mae'r elusen yn endid cyfreithiol ar wahân i'r Ymddiriedolaeth GIG ac mae'n gwbl ddibynnol ar roddion gan y cyhoedd, busnesau a chyllidwyr grant, yn ogystal â chefnogaeth gan staff a gwirfoddolwyr.

Dywedodd Estelle Hitchon, Cyfarwyddwr Partneriaethau ac Ymgysylltu’r Ymddiriedolaeth: “Mae hwn yn gyfle unigryw i lunio dyfodol Elusen Gwasanaeth Ambiwlans Cymru ar adeg gritigol yn ei datblygiad.

“Mae ein helusen wedi bod yn parhau’n dda ers blynyddoedd lawer, gan dderbyn anrhegion pan fo pobl eisiau diolch i’r gwasanaeth am y cymorth a roddwyd iddynt.

“Ond nawr, mae’r Ymddiriedolwyr wedi gosod cwrs uchelgeisiol ar gyfer yr elusen; un sy'n cyflawni ei photensial i dyfu ei allu i godi arian yn unol â phwrpas mwy strategol, ac i ddefnyddio'r cronfeydd hyn i gael effaith gadarnhaol ar staff, gwirfoddolwyr a'r cymunedau ledled Cymru yr ydym yn eu gwasanaethu.

“Mae rôl Pennaeth yr Elusen – y gyntaf o’i bath ar gyfer ein sefydliad – yn ymwneud â gyrru’r uchelgais strategol hwnnw wrth i ni ddechrau ar y cyfnod newydd a chyffrous hwn yn ein datblygiad.

“Mae gan David gyfoeth o brofiad yn y sectorau elusennol a chelfyddydol, ac rwy’n falch iawn ein bod wedi gallu sicrhau ei wasanaethau yn y rôl hollbwysig hon.”