Mae CPR yn driniaeth frys sy'n ceisio ailgychwyn eich calon a'ch anadlu pan fyddant wedi stopio.
Os yw ataliad y galon neu ataliad anadlol yn rhan ddisgwyliedig o'ch cyflwr presennol gallwch chi a'r tîm gofal iechyd sy'n gofalu amdanoch drafod a fyddech chi'n debygol o elwa o CPR.
Os yw eich tîm gofal iechyd yn sicr na fydd CPR yn gweithio, efallai y byddant yn penderfynu ymlaen llaw na ddylid rhoi cynnig arno. Byddant yn ysgrifennu'r penderfyniad hwn ar ffurflen o'r enw 'Peidiwch â Cheisio Dadebru Cardio-pwlmonaidd' (ffurflen DNACPR). Yn aml byddant yn dymuno trafod hyn gyda chi a bydd y ffurflen DNACPR yn cael ei chadw gyda'ch cofnodion iechyd.
Mae'r daflen ganlynol yn ymwneud â thriniaeth a elwir yn adfywio cardio-pwlmonaidd (CPR). Gobeithiwn y gallai fod yn ddefnyddiol i gleifion ac i berthnasau, ffrindiau a gofalwyr. Efallai na fydd y daflen yn ateb eich holl gwestiynau felly siaradwch â'ch tîm gofal iechyd am unrhyw beth nad ydych yn ei ddeall.
Mae'r daflen hefyd ar gael mewn fformatau Sain, Braille ac Iaith Arwyddion Prydain, os hoffech gopi o'r CD sain cysylltwch â'r Tîm Profiad Cleifion a Chynnwys y Gymuned ar 01792 776252 neu e- bostiwch peci.team@wales.nhs.uk .