Mae'r gwasanaeth hwn yn adnodd hanfodol i helpu'r cleifion hynny sydd ei angen ac sy'n dibynnu arno ac ni ddylid ei ddefnyddio yn lle dulliau eraill o gyrraedd apwyntiadau.
Ydych chi wedi darllen yr holl wybodaeth am y Gwasanaeth Cludo Cleifion Di-argyfwng (NEPTS) , ein Cwestiynau a Ofynnir yn Aml , wedi profi eich cymhwysedd, ac yn dal i gredu y gallech fod yn gymwys ar gyfer ein cludiant cleifion?
Gallech fod yn gymwys ar gyfer ein Gwasanaeth Trafnidiaeth. Ffoniwch 0300 123 2303.
Mae ein canolfannau archebu ar agor o ddydd Llun i ddydd Gwener 8am-6pm.
Pan fyddwch yn ffonio bydd aelod o'n tîm yn asesu eich anghenion cludiant gan nodi eich symudedd, penderfynu ar y math o gerbyd a lefel y gefnogaeth sydd ei hangen gan ein staff.
Cyn ffonio, gwnewch yn siŵr bod y canlynol ar gael;
Os archebir eich cludiant, cynigir neges destun i'ch atgoffa i ffôn symudol 48 awr cyn eich archeb ( bydd y neges hon yn eich atgoffa o amser a dyddiad eich archeb ac yn gofyn i chi gadarnhau a oes angen y cludiant arnoch o hyd).
Byddwch hefyd yn cael cynnig cyfle i gwblhau holiadur ar sut y daethoch o hyd i'n gwasanaeth.
Ar gyfer cleifion y canfyddir eu bod yn anghymwys drwy ein proses gymhwysedd, mae rhai opsiynau i’w hystyried ar gyfer dulliau eraill o deithio yma.