Yn ystod ei weithgareddau cyflogaeth, mae Gwasanaethau Ambiwlans Cymru yn casglu, storio a phrosesu gwybodaeth bersonol am ddarpar staff, staff presennol a staff blaenorol.
Mae’r Hysbysiad Preifatrwydd hwn yn cynnwys ceisiadau, cyflogeion (a chyn-weithwyr), gweithwyr (gan gynnwys staff asiantaeth, achlysurol a staff ar gontract), gwirfoddolwyr, hyfforddeion a’r rhai sy’n gwneud profiad gwaith.
Rydym yn cydnabod yr angen i drin data personol a sensitif staff mewn modd teg a chyfreithlon. Ni fydd unrhyw wybodaeth bersonol a gedwir gennym yn cael ei phrosesu oni bai y gellir bodloni’r gofynion ar gyfer prosesu teg a chyfreithlon.
Er mwyn cyflawni ein gweithgareddau a’n rhwymedigaethau fel cyflogwr rydym yn trin data mewn perthynas â:
Mae ein staff wedi’u hyfforddi i drin eich gwybodaeth yn gywir a diogelu eich cyfrinachedd a’ch preifatrwydd.
Ein nod yw cynnal safonau uchel, mabwysiadu arfer gorau ar gyfer cadw cofnodion a gwirio ac adrodd yn rheolaidd ar ein perfformiad. Nid yw eich gwybodaeth byth yn cael ei chasglu na'i gwerthu at ddibenion marchnata uniongyrchol.
Mae’n bosibl y byddwn yn defnyddio darparwyr allanol neu broseswyr data sydd wedi’u lleoli y tu allan i’r DU. Os caiff eich data ei drosglwyddo y tu allan i’r DU, byddwn yn sicrhau yn unol â deddfwriaeth Diogelu Data mai dim ond pan fydd rheoliad digonolrwydd neu fesurau diogelu priodol eraill yn eu lle y caiff y data ei drosglwyddo.
Mae gennym ni sail gyfreithiol i brosesu hyn fel rhan o’ch cytundeb cyflogaeth (naill ai parhaol neu dros dro) neu fel rhan o’n proses recriwtio yn dilyn deddfwriaeth diogelu data a chyflogaeth)
Mae unrhyw ddatgeliadau o ddata personol bob amser yn cael eu gwneud fesul achos, gan ddefnyddio’r lleiafswm o ddata personol sy’n angenrheidiol ar gyfer y pwrpas a’r amgylchiadau penodol a gyda’r rheolaethau diogelwch priodol yn eu lle. Dim ond gyda’r asiantaethau a’r cyrff hynny sydd “angen gwybod” neu lle rydych chi wedi cydsynio i ddatgelu eich data personol i bersonau o’r fath y caiff gwybodaeth ei rhannu.
Er mwyn galluogi gweinyddiaeth staff effeithiol Gall Ymddiriedolaeth GIG Gwasanaethau Ambiwlans Cymru rannu eich gwybodaeth gyda chwmnïau allanol i brosesu eich data ar ein rhan er mwyn cydymffurfio â'n rhwymedigaethau fel cyflogwr.
Cofnodion Gweithwyr; Gweinyddu Contractau
Bydd y wybodaeth a ddarperir gennych yn ystod eich cyflogaeth (gan gynnwys y broses recriwtio) yn cael ei rhannu â Gwasanaethau a Rennir y GIG ar gyfer cynnal eich cofnodion cyflogaeth, a gedwir ar system Cofnod Staff Electronig (ESR) genedlaethol y GIG.
Mae’n bosibl y byddwn yn defnyddio’r wybodaeth sydd gennym amdanoch i ganfod ac atal trosedd neu dwyll. Mae’n bosibl y byddwn hefyd yn rhannu’r wybodaeth hon â chyrff eraill sy’n arolygu ac yn rheoli arian cyhoeddus.
Ni fyddwn yn datgelu unrhyw wybodaeth amdanoch fel mater o drefn heb eich caniatâd penodol. Fodd bynnag, mae amgylchiadau lle mae'n rhaid i ni neu y gallwn rannu gwybodaeth amdanoch oherwydd rhwymedigaeth gyfreithiol/statudol.
Mae cyfreithiau Diogelu Data yn rhoi hawliau i unigolion o ran y wybodaeth bersonol sydd gennym amdanoch. Mae rhain yn:
Mae Ymddiriedolaeth GIG Gwasanaethau Ambiwlans Cymru yn agored ac yn dryloyw ynghylch sut mae eich data personol yn cael ei ddefnyddio a’i rannu. Os oes gennych unrhyw ymholiadau neu bryderon, cysylltwch â’r Swyddog Diogelu Data yn:
Swyddog Diogelu Data, Ymddiriedolaeth GIG Gwasanaethau Ambiwlans Cymru, Tŷ Elwy, Ffordd Richard Davies, Llanelwy, Sir Ddinbych, LL17 0LJ
E-bost: amb.infogov@wales.nhs.uk
Os ydych yn dal yn anhapus gyda chanlyniad eich ymholiad gallwch ysgrifennu at:
Y Comisiynydd Gwybodaeth, Wycliffe House, Water Lane, Wilmslow, Swydd Gaer SK9 5AF
Ffôn: 01625 545700