Cyfarwyddwr Anweithredol ac Is-gadeirydd

Mae Ceri wedi dal nifer o rolau uwch yn y sector elusennol. Hi oedd Cyfarwyddwr Dros Dro Strategaeth a Thrawsnewid yn Nhŷ Hafan tan y llynedd, a chyn hynny bu’n gweithio fel Cyfarwyddwr a Phennaeth Cymunedol Sefydliad Cenedlaethol Brenhinol Pobl Ddall (RNIB).

Penodwyd Ceri yn Gyfarwyddwr Anweithredol yr Ymddiriedolaeth ar 1 Ebrill 2021 i ddechrau am 12 mis dros dro ac yna fe’i penodwyd yn barhaol ar 1 Ebrill 2022. Daeth Ceri yn Is-Gadeirydd dros dro ar gyfer yr Ymddiriedolaeth ym mis Rhagfyr 2023 a phenodwyd yn Is-Gadeirydd parhaol o 1 Gorffennaf 2024. .

Mae hi wedi bod yn aelod o sawl Bwrdd yng Nghymru er mwyn helpu i adolygu polisi ac ymarfer ar draws ystod o feysydd, gan gynnwys iechyd, gofal cymdeithasol a thai. Mae Ceri, sy'n byw yng Nghaerdydd, hefyd yn Gyfarwyddwr Anweithredol i'r Gymdeithas Strôc a Sight Life.